हामी सबैकाे संसारन्यूज

काठमाडौं । नेपाल धितोपत्र बोर्डको अध्यक्षका लागि पाँच जना प्रतिस्पर्धी अन्तर्वार्तामा सहभागी भएका छन् ।उनीहरूलाई प्रस्तुतीकरणका लागि आइतबार बिहान नौ बजे राष्ट्रिय योजना आयोगको सभा हलमा बोलाइएको थियो ।

समाचार तयार हुँदासम्म प्रतिष्पर्धीहरु सिंहदरबार परिसर पुगेका थिए । प्रस्तुतीकरण सुरु भने भएको थिएन । कसलाई अध्यक्ष बनाउने भन्ने विषय टुङ्गो लागिसकेको स्रोतले बताएको छ । यद्यपि प्रस्तुतीकरण र नाम सिफारिस भने औपचारिकताका लागि मात्र गर्न खोजिएको बुझिएको छ ।

प्रतिष्पर्धीहरुले भेटमा एक अर्कालाई शुभकामना दिएका छन् । आइतबारको ‘औपचारिक प्रस्तुतीकरण’ पछि सिफारिस समितिले तीन जनाको नाम सरकार समक्ष सिफारिस गर्नेछ । सोही तीन जनामध्येबाट एक जना बोर्डको अध्यक्ष हुनेछन् । बोर्डको अध्यक्षको नियुक्ति मन्त्रीपरिषद्ले गर्नेछ ।

यसअघि अर्थमन्त्री वर्षमान पुनले प्रक्रिया नै रोकेर राखेका थिए । तर यही प्रकरणमा पुनलाई मन्त्रीको पदबाट हटाउने चर्चा थियो ।