Sansar News
काठमाडौँ । इलाम क्षेत्र नम्बर-१ को निर्वाचन बदरको माग राखी पूर्व प्रधानमन्त्री झालनाथ खनालले दायर गरेको रिटमा सर्वोच्च अदालतले सुनुवाइ सुरु गरेको छ ।
सर्वोच्च अदालतको संवैधानिक इजलासमा उनको निवेदनमा सुनुवाइ भइरहेको छ । उक्त इजलासमा आज अधिकांश मुद्दा निर्वाचन सम्बन्धी छन् । ती मध्ये केहीमा सुनुवाइ सकिइसकेको छ ।
खनालले २०७९ मङ्सिरमा भएको निर्वाचनको परिणाममा चित्त नबुझेपछि सर्वोच्चमा रिट दायर गरेका थिए । उनले त्यो निर्वाचन बदर गरी पुनः चुनाव गराउन माग गरेका छन् ।
उक्त निर्वाचनमा खनाललाई एमालेका महेश बस्नेतले २ हजार ९ सय ५७ मतले पराजित गरेका थिए । बस्नेतले २५ हजार सात सय ५३ र खनालले २३ हजार ८९ मत पाएका थिए ।
वि.सं.२०८१ असार ५ बुधवार १३:५७ मा प्रकाशित
