हामी सबैकाे संसारन्यूज

काठमाडौं । प्रतिकित्ता एक सयल एक रुपैँमा नेपाल इन्फ्रान्सट्रक्चर बैंक लिमिटेड (निफ्रा) को संस्थापक शेयरमा आवेदन दिने आज अन्तिम दिन रहेको छ । एनआईसी एशिया बैंक लिमिटेडको स्वामित्वको रहेको संस्थापक शेयरमा आज अर्थाथ साउन १५ गते कार्यालय समयसम्म मात्रै आवेदन दिन सकिने छ ।

गत साउन ८ गतेदेखि बिक्रीमा ल्याइएको निफ्राको १० लाख कित्ता शेयर लिलामी प्रक्रियामार्फत बिक्रीमा ल्याएको हो ।

शेयर खरीदका लागि बोलकबोल गर्दा थोरैमा पाँच हजार कित्ता र बढीमा सम्पूर्ण कित्ता खरीदका लागि आवेदन दिन सकिनेछ । संस्थापक शेयर खरीदका लागि विद्यमान संस्थापक शेयरधनी, सर्वसाधारण वा संघसंस्थाहरूले समेत आवेदन दिन पाउने व्यवस्था रहेको छ ।

बिक्री प्रबन्धक एनआईसी एशिया क्यापिटल लिमिटेडका साथै एनआईसी एशिया बैंकको कर्पाेरेट कार्यालय वा विराटनगर, आदर्शनगर, महेन्द्रपुल, श्रवणपथ, हस्पिटल लाइन र विरेन्द्रनगर शाखा कार्यालयमा बुझाउनु पर्नेछ । आवेदन फाराम पनि सोही स्थानमा पाइनेछ ।