काठमाडौँ । स्थानीय बजारमा मङ्गलवार सुनको मूल्यमा भारी गिरावट आएको छ । नेपाल सुनचाँदी व्यवसायी महासङ्घका अनुसार सोमबार तोलामा एक लाख ५० हजार रुपैयाँ रेकर्ड कायम भएको छापावाल सुन मङ्गलवार दुई हजार तीन सय रुपैयाँ घटेर एक लाख ४७ हजार सात सय रुपैयाँ कायम भएको हो ।
यस्तै तेजाबी सुन तोलामा एक लाख ४७ हजार रुपैयाँ कायम हुँदा चाँदी तोलामा एक हजार सात सय २५ रुपैयाँ कायम भएको छ । अघिल्लो दिन चाँदीको मूल्य तोलामा एक हजार सात सय ८५ रुपैयाँ कायम भएको थियो ।
वि.सं.२०८१ साउन २२ मंगलवार ११:२५ मा प्रकाशित






























