Sansar News
रामशरण न्यौपाने, भक्तपुर
छैनन् पछाडि
त्याग भोग दुवैमा
शिव अगाडि।१
शिव मन्दिर
जानसके मेटिन्छ
मनको पिर।२
थियो चिहान
शिवजीले धर्तीमा
ल्याए बिहान।३
दिव्य दृष्टिको
शिवजी हुन् देवता
नयाँ सृष्टिको।४
ठुलो मानमा
कैलासमा शिवजी
बस्छन् सानमा।५
गर्छन् वरण
देव दैत्य शिवको
पर्छन् शरण।६
धुनी मुढाको
पार्वती छिन् काखमा
शिव बुढाको।७
अरू को छ र?
करुणाका मूर्ति हुन्
सौम्य शङ्कर।८
चल्दै रीतमा
विष पिए शिवले
लोक हितमा।९
राम भक्ति छ
सत्यं शिवं सुन्दरम्
शिवशक्ति छ।१०
वि.सं.२०८१ भदौ १ शनिवार ०५:२३ मा प्रकाशित
