हामी सबैकाे संसारन्यूज

काठमाडौं । नेपाल लोकतान्त्रिक संस्थागत तथा नीजी विद्यालय शिक्षक संघ (निस्टा) केन्द्रीय समिति काठमाडौंले राष्ट्रब्यापि खुला कविता प्रतियोगितामा सहभागी हुन आव्हान गरेको छ ।

संस्थागत तथा निजी विद्यालय तथा महाविद्यालयमा कार्यरत प्रध्यापक /शिक्षक/ कर्मचारीहरुको पेशागत संस्था निस्टाको पाँचौ स्थापना दिवसको अवसरमा राष्ट्रब्यापि खुला कविता प्रतियोगिताको आयोजना गर्न लागिएको हो ।

‘निस्टा आवाज ः सृजनामा श्रम आवाज’ भन्ने मूल नाराका साथ यहि असोज १६ गते नेपाल प्रज्ञा प्रतिष्ठानमा् राष्ट्र्व्यापी बृहद खुला कविता प्रतियोगितामा सहभागी हुन चाहाने स्वदेश तथा विदेशमा रहेका सम्पूर्ण कविहरुबाट कविताको आव्हान गरिएको हो ।

संस्थाद्वारा जारी विज्ञप्ति अनुसार असोज ८ गते राति १२ बजे भित्रमा रचना पठाईसक्नु पर्नेछ ।

उक्त प्रतियोगितामा प्रथम हुनेलाई नगद रु ५०,००० र प्रमाणपत्र, द्वितिय पुरस्कार ३५,००० र प्रमाणपत्र, तृतीय पुरस्कार नगद रु २५,००० र प्रमाणपत्र सान्त्वना पुरस्कार रु १५,००० र प्रमाणपत्र वितरण गरिने पनि आयोजक संस्थाले जनाएको छ ।