हामी सबैकाे संसारन्यूज

काठमाडौं । साताको चौथो कारोबार दिन आज बुधबार घरेलु बजारमा सुनको मूल्यले नयाँ रेकर्ड कायम गरेको छ । आज तोलामा १ हजार रुपैयाँले सुनको मूल्य बढेको हो ।

नेपाल सुनचाँदी व्यवसायी महासंघका अनुसार बुधबार छापावाल सुनको मूल्य तोलाको १ लाख ५३ हजार ४०० रुपैयाँ कायम भएको छ । मंगलबार भने सुन प्रतितोला १ लाख ५२ हजार ४०० रुपैयाँमा कारोबार भएको थियो ।

यसअघि गत भदौ २१ गते सुनको मूल्यले रेकर्ड बनाएको थियो । उक्त दिन छापावाल सुनको मूल्य प्रतितोला १ लाख ५३ हजार ३०० रुपैयाँ थियो ।

महासंघका अनुसार बुधवार सुनको भाउ प्रतितोला १ लाख ५३ हजार ४०० रुपैयाँमा रहेको छ । त्यसैगरी, आज चाँदीको मूल्य पनि बढेको छ । बुधवार चाँदीको मूल्य प्रतितोला १ हजार ७८० रुपैयाँमा कारोबार भइरहेको छ ।

त्यस्तै, आज प्रति १० ग्राम छापावाल सुनको मूल्य १ लाख ३१ हजार ५१ ५रुपैयाँ कायम भएको महासंघले जनाएकाे छ । साथै प्रति १० ग्राम चाँदीको मूल्य १ हजार ५२६ रुपैया कायम भएको छ ।