हामी सबैकाे संसारन्यूज

सेसेल्स । नेपाली भाषा–साहित्यको सम्बर्द्धन, प्रवर्द्धन र उन्नयनको पवित्र उद्धेश्यले सेसेल्समा पहिलोपटक गैरआवासीय नेपाली संघ सेसेल्सले यहि अक्टोबर ६ मा कविता प्रतियोगिताको आयोजना गर्ने भएको छ ।

बडादशैं कार्यक्रमको दिन पुरस्कार तथा प्रमाणपत्र वितरण गर्ने गरी सेसेल्स व्यापी नेपाली कविता प्रतियोगिता तथा साहित्यिक रचना वाचन कार्यक्रमको आयोजना गर्ने गरि एक सूचना जारी गरेको छ ।

उक्त सूचना अनुसार प्रतियोगितामा उत्कृष्ट तीनजनालाई पुरस्कार तथा सहभागी सम्पूर्णलाई प्रसंशापत्र प्रदान गरिने भनिएको छ । साथै प्रतियोगितामा प्राप्त हुन आएका प्रतियोगी तथा अप्रतियोगी सम्पूर्ण रचनाहरुलाई अन्तर्राष्ट्रिय नेपाली साहित्य समाज अफ्रिका महादेशीय च्याप्टरको साहित्यिक पुस्तक ‘किलिमन्जारो’ मा प्रकाशन गरिनेछ भनिएको छ ।

प्रतियोगिताको लागि रचना पठाउन ई–मेल तथा वाट्सएप नम्बर राखिएको छ भने सूचना एनआरएनए सेसेल्सको आफ्नो अफिसियल फेसबुक पेजमा जारी गरिएको छ ।