हामी सबैकाे संसारन्यूज

तपाई सिनेमाको शोख भएको मानिस नहुन सक्नुहुन्छ । कसैको अनुरोध र दवावमा हलमा जांदा ३ घण्टा हलमा बिताउन गाहो हुनेगर्छ तपाइलाई भनेपनि एउटा फिल्म हेर्न हलभित्र पस्नु भयो भने त्यस्तो हुदैन । बरु अर्को ३ घण्टा थपिए हुन्थ्यो जस्तो लाग्छ । फिल्म ‘बेहुली फ्रम मेघौली’ हेर्दा यसपछि के होला भन्ने कुराले नै कौतुहलता थप्दै तपाईलाई फिल्मले डोयाउनेछ ।
बाउले छोरीको योग्य वरको खोजीका लागि गर्नुपर्ने पीडादायी संघर्ष तथा शारिरिक आकर्षंण, प्रेम, र यौनलाई सहि रुपमा नबुझदाका घटनाक्रम, केटीहरुको प्रेमको अन्धता, हदैसम्मका तीकडम, प्रयास र ठक्कर पछिको निष्कर्ष यसको मुख्य कथाबस्तु हो । महिलालाई खेलौना मात्रै ठान्ने पुरुष मानसिकता र जालमा फस्ने महिला भद्रता पनि यहां पाईन्छ । फिल्म मनोरंजनात्मक संगसंगै पारिवारिक र शिक्षाप्रद पनि छ ।

ब्ल्याक हर्स पिक्चर्स र मेघौली फिल्मसको ब्यानरमा सजन काफ्ले र आकाश बरालको संयुक्त निर्देशन रहेको यो फिल्ममा स्वस्तिमा खड्का, र निश्चल बस्नेत बाहेक सिमरन खड्का, रक्षा थापा, विजय बराल, लोकेन्द्र लेखक, वसुन्धरा भुसाल, सिरु विष्ट, आमिर गौतम, टीका पहारी लगायतको अभिनय रहेको छ । सिनेमाको पटकथा लेखक सम्पदा मल्ल हुन भने फिल्मको लेखन पनि निर्देशकद्वय सजन र आकाशकै हो । सिनेमाको अधिकांश दृश्य भरतपुरको मेघौली आसपास देखिन्छ ।