हामी सबैकाे संसारन्यूज

काठमाडौं । फिल्म निर्देशक शौरभ चौधरीको निर्देशनमा निर्माण हुन लागेको एक्सन मूभि ‘कर्मा’ नयाँवर्ष २०८१ को अवसर पारेर चैत २९ गतेबाट देशभरीका हलमा प्रदर्शनमा आउने भएको छ ।

निर्माण पक्षले शुक्रबार कर्माको पोस्टर सार्वजनिक गर्दै फिल्मको प्रदर्शन मिति समेत घोषणा गरेको हो ।

यसअघि फिल्म अगस्त्य– च्याप्टर १ को सफल निर्देशन गरेका चौधरीको निर्देशनमा निर्माण हुन लागेको कर्माको मूख्य भूमिकामा विपिन कार्की अनुबन्धित भएका छन् । उक्त कुराको जानकारी निर्माण पक्षले शुक्रबार दिएको हो । उक्त फिल्ममा अभिनेता कार्की जिममा कसरत गरिरहेको भूमिकामा देखिएको पोस्टर सार्वजनिक गरिएकोछ ।

निर्देशक चौधरीको यो तेस्रो फिल्म निर्देशन हो भने फिल्मको कथा पनि चौधरीले नै लेखेका हुन् । उक्त फिल्मको एक्सन ड्रामा जनरामा निर्माण हुने बताइएको छ भने यसको मुख्य छायांकन रुकुम र दाङमा हुने बताइएको छ ।

आर्टिस्टिक इन्टरटेन्मेन्टको प्रस्तुति रहने उक्त फिल्ममा बसन्त लम्सालको लगानी रहेको बताइएको छ भने फिल्मको छार्याकन मंसिर दोस्रो सातापछि निर्माण हुने निर्माण पक्षले जानकारी दिएको छ ।

निर्देशक चौधरीका अनुसार हाल विपिन कार्की मुख्य भूमिकामा रहेको पोस्टर सार्वजनिक गरिए पनि अन्य कलाकारहरु क्रमशः अनुबन्धित हुँदै जानेछन् ।