हामी सबैकाे संसारन्यूज

काठमाडौँ । मङ्गलवार सेयर बजार परिसूचक (नेप्से) उच्च अङ्कले बढेको छ । ४६.६९ अङ्कले बजार बढ्दै परिसूचक २६९२ बिन्दुमा उक्लिएको छ ।

मङ्गलवार २२१ कम्पनीको सेयर मूल्य बढेको छ । १७ कम्पनीको घट्दा पाँच कम्पनीको मूल्य स्थिर रह्यो । मङ्गलवार एक करोड ३३ लाख ७३ हजार कित्ता सेयर खरिदबिक्री भएको छ । यसले गर्दा कुल ६ अर्ब १२ करोड ८२ लाख रुपैयाँको कारोबार भएको नेप्सेले जनाएको छ ।

मङ्गलवार सप्तकोसी विकास बैङ्क, सानिमा जीआईसी इन्स्योरेन्स र कुथेली बुखरी सानो जलविद्युत् आयोजनाको मूल्यमा सकारात्मक सर्किट लाग्यो । कारोबार रकमका हिसाबले समृद्धि फाइनान्स शीर्ष स्थानमा छ । यसको २४ करोड ७१ लाख रुपैयाँको सेयर खरिदबिक्री भएको छ । मङ्गलवार नेप्सेमा सूचीकृत सबै उपसमूहको सूचक बढेको छ ।