Sansar News
काठमाडौँ । लोकदोहोरी गायिका बबिता बानिया (जेरी)ले उर्फ योगमाया सखीले काठमाडौँ उपत्यबाटै कथावाचन सुरु गर्ने भएकी छन् । राजधानीको नागार्जुन नगरपालिका १ रानीवनस्थित महादेव मन्दिर परिसरमा श्रीमद्भागवत महापुराण सप्ताह ज्ञान महायज्ञ हुन लागेको छ । त्यही महापुराण सप्ताहमा उनले आफ्नो जीवनको पहिलो भागवत वाचन गर्नेछिन् ।
वैदिक सनातन धर्मको सम्वद्र्धन तथा नागभुषण महादेव मन्दिर परिसरको सर्वाङ्गीण भौतिक विकासका लागि योगमाया सखी (जेरी) को वाचनमा महायज्ञ हुन लागेको आयोजकको भनाइ छ ।
श्री नागभूषण मन्दिर संरक्षण तथा सामुदायिक संस्था तथा श्रीमद्भागवत सेवा कुञ्ज नेपाल आयोजक रहेको उक्त सप्ताहको माघ २२ गते उद्घाटन हुनेछ भने माघ ३० गतेसम्म जारी रहने सांस्कृतिक संयोजक बालचन्द्र बरालले जानकारी दिए ।
भागवतको दशकसम्म स्वअध्ययन र डेढ वर्ष नेपाल र भारतमा समेत अध्ययन गरेपछि उनी नयाँ परिचयका साथ पहिलो पटक कथा वाचनमा जुटेकी हुन् ।
वि.सं.२०८१ माघ ९ बुधवार १२:५८ मा प्रकाशित
