Sansar News
कपिल किशोर घिमिरे, दाङ
गर्न छोडेँ मनन के भयो के भयो
हुन्न आफ्नै जतन के भयो के भयो
चढ्न थाल्यो सधैँ प्रेमको खुब नसा
खोज्छु उनकै नयन के भयो के भयो
हुन्छ पीडा अधिक बस्नु एक्लै परी
प्रेममा छैन मन के भयो के भयो
जल्छ दुनियाँ निकै गर्छ ईष्र्या सधैँ
स्वस्थ्य मेरो बदन के भयो के भयो
रातमा देखियो जून सुन्दर निकै
मन्द भो खै पवन के भयो के भयो
बहर :मुतदारिक मुसम्मन सालिम
अर्कान : फाइलुन् फाइलुन् फाइलुन् फाइलुन्
वजन : २१२ – २१२ – २१२ – २१२
काफिया : अन
रदिफ : के भयो के भयो
अभ्यास : परिश्रमी पाठशाला
वि.सं.२०८१ माघ १२ शनिवार ०५:२१ मा प्रकाशित
