हामी सबैकाे संसारन्यूज

कोपिला बर्देवा, काठमाडौं 

पैसाले सारा संसार चल्ने रहेछ
हुनेलाई पो झन–झन फल्ने रहेछ
नहुने भोक–भोकै मरिरहेको देख्दा
कमजोर मुटु अनायाशै जल्ने रहेछ

सत्यको आवाज
पनि थाकिसकेका छन्
कानुन नै पैसामा बिकिसकेका छन्
पीडितले नै हार मानिसकेका छन
न्याय पाउने आश यसै मारिसकेका छन्

धनीका घरमा उज्यालो छाउँदो रहेछ
गरिबका सपनामा अँध्यारो आउँदो रहेछ
रहरलाई बाध्यताले थिचिदिँदो रहेछ
त्यसपछि भाग्यका कुरा आउदो रहेछ

गरिबलाई पैसाले पिरोल्ने रहेछ
अनि धनीलाई उकासी रहने रहेछ
हुनेलाई ओइरो लाग्ने रहेछ पैसा
नहुनेलाई खोइरो खनि रहने रहेछ पैसा

मानवताले सम्बन्ध जोड्न सिकाउने रहेछ
अनि, पैसाले ट्क्राउन सिकाउने रहेछ
सम्बन्धको यहाँ ताली पिट्दा पिट्दै
बिर्सनेको पनि ओइरो लाग्दो रहेछ

मान–सम्मान पाउन पैसा चाहिने रहेछ
इमादारीताको झोलीलाई फालिदो रहेछ
पापीले नि इज्जत पाउने रहेछ
धर्मकर्म त गुनगाानमै सीमित रहेछ