हामी सबैकाे संसारन्यूज

अमेरिकाको टेक्सासमा समुद्रमा डुबेर एक नेपालीको मृत्यु भएको छ ।  टेक्सासको राज्यको अस्टिनमा बस्दै आएका  काठमाडोंका सुबोध तण्डुकारको पर्यटकीय स्थल कर्पस क्रिस्टीस्थित समुद्रमा डुवेर मृत्यु भएको हो ।
साथीहरुसँग विदा मनाउन गएका तण्डुकारको गल्फ अफ मेक्सिकोको सामुद्रिक किनारमा गएर पौडी खेल्ने क्रममा मृत्यु भएको बताइएको छ ।

सूचना तथा प्रविधि आइटीमा कार्यरत ३५ वर्षीय तण्डुकारले गतवर्षमात्र विवाह गरेका थिए । उनको घरमा बुआ, आमा एक बहिनी रहेका छन् । उनी श्रीमतीलाई पनि अमेरिका लैजाने तयारीमा रहेका थिए ।

‘सबै विवरण मैले पनि पाएको छैन, अहिले शबलाई स्थानीय अस्पतालमा राखिएको खबर मैले पाएको छु ।’ मृतकका मामा राजेन्द्र श्रेष्ठले टेलिफोनमा बताएको अमेरिकाबाट सञ्चालन हुने अनलाईन हिमालयन खबरमा समाचार रहेको छ ।