Sansar News
कलानिधि दाहाल, काठमाडौं
सधैँ माथि झुम्ने चमेराहरू छन्
यता दण्ड भोग्ने बचेराहरू छन्
सुनौलो धरामा सफा खै छ सत्ता
सदा चोट भोग्ने सुनेराहरू छन्
छ यो राज्य स्वार्थी ससाना कुरामा
लिऊँ नीति, बन्ने पँधेराहरू छन्
छली सानका मान खोज्ने भलाद्मी
तिनै माथ सत्ता नबेराहरू छन्
न नङ्ग्रा चलेका न छन् पाउ हिँड्ने
नराम्रा छु देख्ने घनेराहरू छन्
बहर – मुतकारिब मुसम्मन सालिम
अर्कान – फऊलुन् फऊलुन् फऊलुन् फऊलुन्
वजन -१२२ – १२२ – १२२ – १२२
काफिया – ऐरा
तहलिली रदिफ – हरू
रदिफ – छन्
अभ्यास – नेपाली साहित्यकार विश्व सञ्जाल
वि.सं.२०८१ फागुन १७ शनिवार ०४:५३ मा प्रकाशित
