हामी सबैकाे संसारन्यूज

काठमाडौँ । स्वरोजगार लघुवित्त वित्तीय संस्था लिमिटेडले आजदेखि थप सार्वजनिक निष्काशन अर्थात एफपीओ निष्काशन गरेको छ ।

लघुवित्तले प्रतिकित्ता १०० रुपैयाँ अंकित मूल्यका १ लाख ९५ हजार ७७३ कित्ता शेयर निष्काशन गरेको हो । लघुवित्तले १ करोड ९५ लाख ७७ हजार ३०० रुपैयाँ बराबारको निष्काशन गरेको छ ।

आज अर्थात १८ गतेदेखि लगानीकर्ताले फागुन २१ गतेसम्म आवेदन दिन सक्नेछन् । यदि सो अवधिभित्र पर्याप्त आवेदन नपरेमा निष्काशन अवधि चैत ३ गतेसम्म कम्पनीले जनाएको छ ।

लगानीकर्ताहरुले एफपीओमा न्यूनतम १० कित्ता र अधिकतममा १ हजार कित्तासम्मको आवेदन दिन सक्नेछन् ।

लघुवित्तको धितोपत्र निष्काशन तथा बिक्री प्रबन्धक एनएमबि क्यापिटल लिमिटेड रहेको छ । लगानीकर्ताले नेपाल धितोपत्र बोर्डबाट स्वीकृती प्राप्त गरेका सम्पूर्ण सि–आस्बा सदस्य बैंक तथा वित्तीय संस्थाहरु तथा सिडिएस एण्ड क्लियरिङ्ग लिमिटेडबाट निर्माण गरिएको सफ्टवेयर ‘मेरो शेयर’ अनलाइन प्रयोग गरी सि–आस्बा प्रणालीमार्फत आवेदन दिन सक्नेछन् ।