हामी सबैकाे संसारन्यूज

अर्जुन प्रसाद चौलागाई
रामेछाप हाल -अमेरिका,बोस्टन

१.
कर्म हुन्छ ठूलो
नगरिकन बस्यौ भने
जताततै पर्छ दुलो ।

२.
गरेर खाऔँ सकेको
कर्मलाई ठूलो सम्झौँ
मिल्दैन अल्छीले देखेको ।

३.
काँधमा काँध मिलाएर
झिल्का उत्तम साथी
भन्दै लेख्छु रमाएर ।

४.
झिल्कालाई सबैमा पुर्याऊ
चेतनाको बिउ रोपेर
अझै रसपान दिलाऊ ।

५.
टन्नै छ बेला
साहित्यिक क्षेत्रमा यसकै
चलोस् सदा मेला ।

६.
झिल्काकै गीत गाऊ
सबै मिलेर यसमा
अझै पिरती लाऊ ।

७.
विधिको शासन भएन
अवस्था परिवर्तन नहुँदा
जनताको पीडा गएन ।

८.
सकेसम्म दुःख देऊ
पुगेन तिमीलाई अझै
जनतासँग पुनः लेऊ ।

९.
देखाउन दिनुभन्दा पुरस्कार
बरू हामीले अरूलाई
गरौँ असल व्यवहार ।

१०.
गाँसौँ फूलको माला
त्यसको महत्व बुझेर
खोलौँ जिन्दगीको ताला ।