हामी सबैकाे संसारन्यूज

तारा विष्ट छन्दार्पण, दाङ ,हाल -मलेसिया

लुट्दै छ देश मेरो उस्को सफर छ बेग्लै ।
मागेर भोट भुल्दै हिँड्ने डगर छ बेग्लै ।।

गन्दैन आजभोलि नेता बनेर जनता
के को विकास हुन्थ्यो लुट्ने रहर छ बेग्लै ।

छन् विघ्न घात गर्दै यो राष्ट्रभित्र मान्छे
ताकेर मात्र कुर्सी हेर्ने नजर छ बेग्लै ।।

सोच्दैन किन्तु कोही यो जिन्दगी छ पलको
के लालसा छ यत्रो मर्ने खबर छ बेग्लै ।

हे देशका पुजारी बानी सुधार आफ्नो
सेवक बने मुलुकको तिम्रो कदर छ बेग्लै ।।

बहर – मुजारे मुसम्मन अखरब मगजुफ
अर्कान – मफऊलु फाइलातुन् मफऊलु फाइलातुन्
वजन – २२१ – २१२२ – २२१ – २१२२
अभ्यास – स्वर्ण पाठशाला