हामी सबैकाे संसारन्यूज

प्रेमल कुमार खनाल,काठमाडौं । 

माथि पहाडबाट बगेको खोला
जस्तै शक्ति लगाए पनि फर्कदैन,

समाज विकासमा पनि
दास युग अब फर्कदैन,
पूंजीवादी युगमा
अब फेरि सामन्ती युग आउदैन,
इतिहासको गति उल्टो हुदैन ।

हजारौंको वलिदानी संघर्षले
सामन्ती राजतन्त्रको अन्त्य भएको छ,
अब फेरि यो व्यूंतदैन ।

हो, क्रान्तिको सफलतापछि पनि
प्रतिक्रान्तिकारीहरु
सल्बलाउन सक्तछन, क्रान्ति विरुद्ध,
फेरि क्रान्तिकारीहरु जुरुक्क उठने वित्तिक्कै
ती प्रतिक्रान्तीकारीहरु दुलो भित्र पस्दछन ।

प्रतिक्रान्तीकारीहरु मुसा जस्तै हुन्छन्
मुसाहरु पनि सुनसान मध्यरातमा
घरमा मानिसहरु सुतेको बेला
दुलोबाट निस्किएर चक चक गर्दछन,
तर मानिस जुरुक्कै उठने वित्तिक्कै
मुसाहरु दुलोभित्र टाप दिई हाल्दछन् ।

मिति :२०८१/१२/०७ गते