Sansar News
बाबुराम न्यौपाने, ‘उत्स’ दमक, झापा
किन आज आँसु थोपा पानी बनी झर्यो
मनमा फुल्ने सुखचैन कसले किन हर्यो।
जीवनका उत्सवहरु डाको छोडी रुन्छन्
चिच्याउने आँट छैन बोल्दा कसले सुन्छन्
मेरो मनको फूलबारीमा आगो कसले झोस्यो
हाँस्ने गाउँने खुसी पल कसले किन खोस्यो ।
मनभित्रको अग्निज्वाला निभ्दैन रे किन
आँसु पनि आगो बन्छ झनझन पीडा दिन
मनबारीको डाँडाकाँडा डढेलोले खायो
गाइनेले आज साथी उदास गीत गायो ।
किन आज आँसु थोपा पानी बनी झर्यो
मनमा फुल्ने सुखचैन कसले किन हर्यो ।
वि.सं.२०८१ चैत २३ शनिवार ०९:०२ मा प्रकाशित
