Sansar News
कृष्णदेव रिमाल, तारकेश्वर–१०,काठमाडौ
१.
धुलो तर्कियोस्
आकाश यो मैलो भो
पानी दर्कियोस् ।
२.
इन्द्र खै त नि
निज कर्म बिर्से कि !
सुकेँ मै पनि ।
३.
छोप्यो शहर
रैछ पापी तुवाँलो
लुट्यो रहर ।
४.
गफ न हान
पानी पार्न सकिन्छ
भन्छ विज्ञान ।
५.
गर्यो चीनमा
नेपाल चैँ सत्ताले
गाड्यो ऋणमा ।
६.
कुचो खोजेर
बढार्नु छ आकाश
सीप जानेर ।
७.
वायु चले पो !
सफा हुन्छ आकाश
जल छरे पो ।
८.
छैन सिँचाइ
चरचरी चिरियो
खेत रिसाई ।
९.
माथी छ जालो
प्यासी धरा रुँदैछिन्
औधी भो कालो ।
१०.
छिटै देखिए
नमः भन्छु भनेको
सूर्य छेकिए ।
वि.सं.२०८१ चैत ३० शनिवार ०९:१० मा प्रकाशित
