हामी सबैकाे संसारन्यूज

काठमाडौं । नेपाल बैंक लिमिटेडले चालू आर्थिक वर्षको तेस्रो त्रैमासिक वित्तीय विवरण सार्वजनिक गरेको छ ।

चैत मसान्त सम्मको सार्वंजनिका विवरण अनुसार बैंकले नाफामा ठूलो फड्को मारेको हो । बैंकले गतवर्षको तुलनमा यो वर्ष २०३२.८० प्रतिशतल नाफा वृद्धि गरेको छ । बैंकले चालू आवको यसै अवधिमा भने २ अर्ब ७८ करोड रुपैयाँबढी खुद नाफा आर्जन गरेको छ भने गत वर्षको सोहि अवधिमा १३ करोड रुपैयाँ मात्रै खुद नाफा आर्जन गरेको थियो ।

बैंकको वितरणयोग्य नाफा (लाभांश क्षमता) १ अर्ब २७ करोड पुगेको छ भने गत वर्ष गत वर्ष करीब १ अर्ब ऋणात्मक रहेको थियो । बैंकको प्रतिशेयर आम्दानी पनि १ रुपैयाँ १८ पैसाबाट बढेर २५ रुपैयाँ २६ पैसा पुगेको छ ।

त्यस्तै बैंकको सञ्चालन नाफा पनि ५८ करोडबाट बढेर एकैचोटी ४ अर्ब ३१ करोड रुपैयाँ पुगेको छ भने खुद ब्याज र कुल सञ्चालन आम्दानी भने सामान्य बढेर क्रमशः ७ करोड १० लाख रुपैयाँ र ८ करोड ५६ लाख रुपैयाँ नाघेको छ ।

बैंकको चुक्ता पूँजी १४ अर्ब ६९ करोड रुपैयाँ रहेको छ भने जगेडा कोषमा ३० करोड र रिजर्भ कोषमा २३ अर्ब ३१ करोड रुपैयाँबढी रहेको छ। बैंकको प्रतिशेयर नेटवर्थ २६० रुपैयाँ ७४ पैसा रहेको छ ।