Sansar News
कपिल किशोर घिमिरे, दाङ
गरेँ मैले गहनतम कुरा एकाबिहानै
असाध्यै छन् रमेका सखा एकाबिहानै
रिसाई माइतीमा गएकी मेरी काली
अचानक फर्की आइन् यता एकाबिहानै
जुनीभरकी म तिम्रै हुँ भनेकी हुन् प्रियाले
बिना कारण कराइन् प्रिया एकाबिहानै
अमर चोला छ जस्तो उनी गर्थे हमेसा
गएछन् आज छोडी धरा एकाबिहानै
रमाइन् रातभर खुब बनी साथी मजाले
पिलाइन् प्रेमरुपी सुधा एकाबिहानै
बहर : अरिज
अर्कान : मुफाईलुन् फऊलुन् मुफाईलुन् फऊलुन्
वजन : १२२२ – १२२ – १२२२ – १२२
काफिया : आ ( एकाक्षरी स्वर )
रदिफ :एकाबिहानै
अभ्यास : स्वर्ण पाठशाला
वि.सं.२०८२ वैशाख २० शनिवार ०९:३५ मा प्रकाशित
