Sansar News
बाबुराम न्यौपाने ‘उत्स’, दमक, झापा
सत्ताको अँध्यारो गल्लीमा
पासो थापेर बसेका
रासपुटीनहरु
सकुनी प्रवृत्तिलाई
कसिलो अंकमाल गरेर
सुशासनको गीत गाउँन तल्लीन छन्।
वर्तमान समयका
एकलव्य,बर्बरीक र उर्मिला, गार्गीहरु
धर्म र राजनीतिको
कुटिल चक्रव्युह छिचोलेर
आधुनिक मानव सभ्यताको
नौलो दर्शन घोक्न
नयाँ विश्वविद्यालयको खोजिमाछन्।
युगका हरिया पातहरु
पत्तेै नपाई पहेँलिदैछन्
शासक
भस्मासुरको कित्तामा उभिएर
शक्तिको उपासना गरिरहेको छ।
व्यास हराएको बेला
आफू बाँचेको
युगको
अधुरो महाभारतको
पूर्ण कथा लेख्ने
महान् कलम
कसैको हातमा देखिंदैन,किन ?
वि.सं.२०८२ जेठ ३ शनिवार ०७:३९ मा प्रकाशित
