हामी सबैकाे संसारन्यूज

काठमाडौँँ । भक्तपुरको बालकोटमा एक महिला मृत फेला परेकी छन् । सूर्यविनायक नगरपालिका–३ स्थित एक घरमा ५० वर्षीय रोशनी शाही मृत फेला परेको प्रहरीले जनाएको छ ।

बालकोटको बृहस्पति मागैस्थित लक्ष्मीश्वर महतोको ३ तले घरमा डेरा गरेर बस्ने शाही मृत अवस्थामा फेला परेकी हुन् । जिल्ला प्रहरी परिसर भक्तपुरका प्रवक्ता ढुण्डिराज न्योपानेका अनुसार आइतबार दिउसोसम्म पनि उनी बसेको कोठाको ढोका नखुलेपछि घरबेटीले प्रहरीलाई खबर गरेका थिए ।

जनप्रतिनिधिको रोहवरमा कोठा फोडेर हेर्दा सुत्ने कोठाको भुइमा उनको शव फेला परेको थियो । केही दिनदेखि उनी कोठामा एक्लै रहेकी थिइन् ।

प्रहरीका अनुसार भित्रबाट चुकुल लगाएको अवस्थामा उनी कोठाभित्रै मृत भेटिएकी हुन् । उनको शरीरमा कुनै चोटपटक छैन । घटनास्थलमा सुसाइड नोट पनि फेला परेको छ । घटनाको सन्दर्भमा अनुसन्धान भइरहेको छ ।