हामी सबैकाे संसारन्यूज

अमेरिकाको न्यू जर्सी राज्यस्थित जर्सी सिटीमा बसोवास गर्ने नेपालीहरु भेला भै जर्सी सिटी नेपाली कम्यूनिटी (जेसीएनसी) संस्थाको स्थापना गरेका छन् । जर्सी सिटीमा रहेका नेपालीहरूको सेवा, सम्पर्क र पहिचानको लागि उक्त संस्था स्थापना गरिएको हो । अन्य संघसंस्था भन्दा फरक रुपमा संस्थाको संरचना बनाइएको छ । यसमा अध्यक्ष, प्रेसिडेण्ट, भिपी, सचिव, कोषाध्यक्ष जस्ता कुनै पदहरू राखिएको छैन ।

भेलाले ‘जेसीएनसी’ को बोर्ड अफ डाईरेक्टर सदस्यमा हरेक परिवारबाट एक जना मनोनित हुने, बोर्डमा सबै सदस्य ‘बोर्ड अफ डाईरेक्टर’ हुने निर्णय गरेको पत्रकार प्रदिप थापा परियारले जानकारी दिएका छन् ।  आगामी जुन ३० तारिख ४ बजे सिटी हलमा हुने जर्सी सिटी मेयर कार्यालय र सिटी काउन्सिलद्वारा नेपाली झण्डा फहराउने  ‘Nepali Flag Raising Day’ समारोहमा सहभागिता जनाउने निर्णय गरिएको छ ।
भेलामा जर्सी सिटी निवासी नेपालीहरू, छिमेकी नट्ले शहर र न्यू योर्क शहरका नेपालीहरूको सहभागिता रहेको थियो ।