Sansar News
काठमाडौं । हिजो सम्पन्न ट्रेड टावर लिमिटेडको प्राथमिक शेयर (आईपीओ) निष्कासनमा करिब १८ लाख ४० हजार आवेदकले सेयर पाउने अवसरबाट वञ्चित भएका छन् । कम्पनीले सर्वसाधारणका लागि निष्कासन गरेको आईपीओमा अत्यधिक आवेदकले आवेदन दिएपछि अधिकांशको हात रित्तो भएको हो ।
कम्पनीको आइपीओमा कुल २ अर्ब ५७ करोड ७९ लाख ७९ हजार रुपैयाँ बराबरको आवेदन परेको हो । सीडीएस एण्ड क्लियरिङ्ग लिमिटेडका अनुसार २१ लाख ६९ हजार ८९१ जनाले २ करोड ५७ लाख ७९ हजार ७९० कित्ताका लागि आवेदन दिएका हुन् ।
कम्पनीले जेठ १४ गतेदेखि २० गतेसम्म प्रतिकित्ता १०० रुपैयाँ दरमा ३२ लाख ९६ हजार ५०५ कित्ता शेयर बिक्रीमा ल्याएको थियो । मागको आधारमा हेर्दा आवेदन ७.८२ गुणा बढी परेको देखिएको छ ।
जसमा ३ लाख २९ हजार ६५० जनाले १०।१० कित्ताका दरले शेयर पाउनेछन् । बाँकी १८ लाख ४० हजारको हात रित्तो हुने भएको छ ।
वि.सं.२०८२ जेठ २१ बुधवार १७:१५ मा प्रकाशित
