Sansar News
सुधिर थापा,कुपण्डोल, ललितपुर
कोमल छ फूल भन्थे देख्दै छु धार लाग्ने
बेकार लाग्छ जीवन बाँचेर भार लाग्ने
बन्दै छ चोट गहिरो लाग्दै गएर घाउ
जीवन भयो अचानो थापेर मार लाग्ने
देखिन्छ फेरि जीवन दोधारमा भएको
गर्दै गएँ भरोसा देखिन्न सार लाग्ने
माया गरेर आफैँ टाढा भएछ कोही
बस्नै नपाइ माया छुट्नै हतार लग्ने
विश्वास फेरि कस्तो उसकै गरेछु मैले
खोजेर प्रेम आयो झूटो छ प्यार लाग्ने ।
बहर : मुजारे मुसम्मन अखरब महजÞूफ
अर्कान : मफ्ऊलु फाइलातुन् मफ्ऊलु फाइलातुन्
वजन : २२१ – २१२२ ÷ २२१ – २१२२
काफिया : आर
रदिफ :लाग्ने
वि.सं.२०८२ जेठ २४ शनिवार ०८:५७ मा प्रकाशित
