हामी सबैकाे संसारन्यूज

अरुण खड्का, किर्तिपुर, काठमाडौँ

हामी दुईबिच रातमा रमझम भए के चाहियो
मनका कुरा बुझ्नेसँगै घरजम भए के चाहियो

जान्छन् सबै आफ्नाहरू स्वार्थी बनी टाढा हुँदै
धनको नसाले लठ्ठ भै रमरम भए के चाहियो

दिनरात उसकै यादमा डुब्दै छ यो मेरो हृदय
टाढै बसी माया दिने प्रियतम भए के चाहियो

जिउँछौ म बेगर खै तिमी एक्लै भनी व्यर्थै भन्यौ
दिलमा प्रियाको सम्झना हरदम भए के चाहियो

तिम्रो निसानी तस्बिर यो मनमा सजाएँ हरघडी
हरदिन रुमानी प्रेमको मौसम भए के चाहियो

बहर : रजज मुसम्मन सालिम
अर्कान : मुस्तफइलुन् मुस्तफइलुन् मुस्तफइलुन मुस्तफइलुन्
वजन : २२१२ – २२१२ – २२१२ – २२१२
काफिया : अम
रदीफ :भए के चाहियो
अभ्यास : स्वर्ण पाठशाला