हामी सबैकाे संसारन्यूज

काठमाडौँ । आज साताको दोस्रो दिन सेयर बजार दोहोरो अंकले बढेको छ । सोमबार बजार २७.२९ अंकले उकालो लागेसँगै २६५७.१९ विन्दुमा पुगेको हो ।

आज विभिन्न इन्डेक्सका ३२४ वटा कम्पनीको एक करोड ७५ लाख कित्ता शेयर खरिद–बिक्री हुदाँ आठ अर्ब ६८ करोड ९३ लाख रुपैयाँको शेयर कारोबार भएको छ । जस्मा १९१ वटा कम्पनीको सेयर मूल्यमा हरियाली छाएको छ भने ५६ वटा कम्पनीको सेयर मूल्य भने घटेको छ ।

यस दिन मकर जितुमाया सुरी हाइड्रोपावर, पियोर इनर्जी, दोटी पावर कम्पनी र विन्ध्यबासिनी हाइड्रोपावर डेभलपमेन्ट कम्पनीको शेयर सकारात्मक सर्किट लेभलमा कारोबार भएको छ । त्यस्तै, यस दिन बुटवल पावर कम्पनी र माया खोला हाइड्रोपावरको शेयरमूल्य साढे ९ प्रतिशतभन्दा बढी बढेको छ । कारोबारमा आएको सप्तकोशी डेभलपमेन्ट बैंकको शेयरमूल्य यस दिन सर्वाधिक ७.४७ प्रतिशत घटेको छ ।

कारोबार रकमका आधारमा यस दिन राधी विद्युत कम्पनी शीर्ष स्थानमा रहेको छ। सो कम्पनीको यस दिन ६१ करोड २६ लाख ७१ हजार रुपैयाँबराबरको शेयर खरिदबिक्री भएको छ। त्यस्तै, यस दिन युनिभर्सल पावर कम्पनीको करिब साढे ५४ करोड रुपैयाँबराबरको शेयर कारोबार भएको छ भने बुटवल पावर कम्पनीको कारोबार रकम ५१ करोड नाघेको छ।