हामी सबैकाे संसारन्यूज

काठमाडौँ । आज असारे ठुला एकादशी अर्थात तुलसीको बिरुवा रोप्ने दिन । आजको दिन हिन्दूधर्मालम्बीहरुको लागि विशेष मानिन्छ । एकादशीमा बर्त बस्ने चलन छ । एकादशीको व्रत (बर्त) हिन्दू धर्ममा अत्यन्तै पवित्र मानिन्छ । यसमा विशेष प्रकारको खानपान नियम पालन गरिन्छ । यस दिनको मूल उद्देश्य उपवास, आत्मशुद्धि, र भगवान विष्णुको आराधना हो । एकादशी व्रतमा के खाने र के नखाने भन्ने विषयमा तल विस्तृत जानकारी दिइएको छ ।

एकादशीमा के खाने ?
(फलाहार-व्रत अनुकूल खानेकुरा)
फलफूल : केर, स्याउ, सुन्तला, नास्पाती, अनार आदि
दूध तथा दुग्धजन्य पदार्थ : दूध, दही, घ्यू, पनीर
साबुदाना : खिचडी, वडा आदि बनाएर
सिंघाडाको पिठो -पराठा, पुरी
कुट्टुको पिठो
आलु तथा अरू भिजेका कन्दमूल-उमालेको वा फ्राई गरेर
मखाना : भुटेर वा खीर बनाएर
नुनको साटो सेन्धा नुन : सामान्य नुन निषेध
गुन्द्रुक वा सागसब्जी बिना प्याज-लसुनको तरकारी
हर्बल चिया वा दूध चिया (प्याज-लसुन बिना)

एकादशीमा के नखाने ?
(व्रतमा निषेधित पदार्थहरू)
अन्न-चामल, गहुँ, मकै, जौ आदि
दाल र बीउजन्य खाद्य-मसुर, मुग, राजमा आदि
मासु, माछा, अण्डा
लसुन र प्याज-तामसिक भोजन मानिन्छ
मादक पदार्थहरू -जस्तै रक्सी, चुरोट, सुपारी आदि
मसला धेरै भएका पकवानहरू
सायबिन, छोला आदि
साधारण नुन-साटोमा सेन्धा नुन प्रयोग गरिन्छ