हामी सबैकाे संसारन्यूज

गैरआवासीय नेपाली संघ एनआरएनए आयरल्याण्डको अध्यक्ष पदमा ओम अधिकारीले उम्मेदवारी घोषणा गरेका छन् ।
लामो समय आयरल्याण्डमा रहेर एनआरएनए लगायतका विभिन्न संघ संस्थामा रहेर नेपाली समुदायको हितमा काम गर्दै आएका अधिकारीले ‘Empowering Students, Uplifting Youth, Uniting Nepal’ भन्ने मूल नारासहित एनआरएनए आयरल्यान्डको आगामी कार्यकाल (२०२५–२०२७) का लागि अध्यक्ष पदमा औपचारिक उम्मेदवारी घोषणा गरेका हुन् ।
विगत १२ वर्षदेखि एनआरएनएको निरन्तर सेवा यात्रामा विभिन्न पदमा रहेर जिम्मेवारी (सदस्य २००९–२०११), सचिव (२०१५–२०१७), महासचिव (२०१९–२०२१), र उपाध्यक्ष (२०२१–२०२३) सम्हाल्दै आएका अधिकारीले सबैको साथ पाएमा अझ बढी काम गर्ने हौसला मिल्ने बताएका छन् ।

‘एनआरएनए कुनै साधारण संस्था होइन, यो प्रवासमा रहेका नेपालीहरूको पहिचान, संस्कृति, र एकताको प्रतिक हो । यहाँको सदस्यता केवल एउटा औपचारिकता नभई, तपाईंको सक्रिय सहभागिता र नेतृत्व चयनमा भूमिका खेल्ने अधिकार हो ।’ उम्मेदवारी घोषणा गर्दै अधिकारीले भनेका छन् ।
उनले थप भनेका छन्, ‘तपाईंहरूको विश्वास, साथ र सहभागिताले पारदर्शी, जवाफदेही र समावेशी एनआरएनए आयरल्यान्ड निर्माणमा मलाई अझ प्रेरणा दिनेछ ।’