Sansar News
बैकुण्ठ अधिकारी, कपन
१.
के के भएछ
कस्तो होला भन्दैमा
बैँस गएछ।
२.
रोक्न सकिन
जिन्दगी त गएछ
पुछ्दै पसिना ।
३.
के भनौ र खै
हाँस्ने खेल्ने बेलानै
आएन छ है ।।
४.
आशा मारिन्न
आफ्नो कर्म गर्नुछ
तेसै छाडिन्न ।
५.
टुपी कसेर
सत्कर्ममा लाग्नुछ
धर्म सम्झेर ।
६.
मनमा गुनौँ
सुधारिने परत्र
कुरा पो सुनौँ ।
७.
यता यस्तै भो
उता पनि बिग्रेला
सोच्ने बेला हो ।
८.
हुन्न भाग्नु है
चाँडै सुत रातमा
शीघ्र जाग्नु है।
९.
हरि भजन
मुक्ति दाता उनै रे
नित्य जपन ।
१०.
हरिहरले
मुक्ति पक्कै मिल्नेछ
प्रभु भरले।
वि.सं.२०८२ साउन ३ शनिवार ०९:०८ मा प्रकाशित
