Sansar News
दिपक पनेरु, सागरनाथ, सर्लाही
अन्जान मै जीवनको आफ्नै सार लेख्छु
चोट खाँदा वेदनाको समाचार लेख्छु
निस्वार्थ छ सोच मेरो मान्छु सबै राम्रो
बेइमानीलाई पनि म आभार लेख्छु
बुवाआमा अश्रम मा राखी धाम यात्रा
त्यस्ता पुत्रलाई व्यर्थैको म झार लेख्छु
नदी जस्तै बग्ने प्राण सकिदैन रोक्न
सागरमा मिल्ने नदी मझधार लेख्छु
यदि तिमी साथ मेरो दिन्छौ भने प्रिया
तिम्रो मेरो प्रेम कथा म अपार लेख्छु ।
लोकलय : सवाई
अक्षर संख्या ४ – ४ – ४ – २
अनुप्रास : आर
अत्यानुप्रास : लेख्छु
वि.सं.२०८२ साउन ३ शनिवार ०९:०० मा प्रकाशित
