Sansar News
रामशरण न्यौपाने, भक्तपुर
भयो साउन अहो संसार झन् हरियो
बन्यो धर्ती बडो गुल्जार झन् हरियो
जुटेछन् शम्भु पूजामा महान् नारी
भयो सबको लुगा शृङ्गार झन् हरियो
चरेका छन् उँचो मैदानमा चौरी
छ पाखामा झपक्कै झार झन् हरियो
पलायो झ्याउ नै कैयौँ मझेरीमा
हुँदै छन् बेसीका सङ्घार झन् हरियो
परीको अङ्गमा मेहदी छ झल्केको
सुकोमल बाहु प्यारी पार झन् हरियो
बहर : हजज मुसद्दस सालिम
अर्कान : मुफाइलुन् मुफाइलुन् मुफाइलुन्
वजन : १२२२ – १२२२ – १२२२
काफिया : आर
रदिफ : झन् हरियो
वि.सं.२०८२ साउन ३ शनिवार ०९:११ मा प्रकाशित
