Sansar News
हिरालाल न्यौपाने
बानपा – ८ कोटमाला, सल्यान
१.
जुधे नजर त्यतैतिर
पिरतीको मुल फुट्यो
टाढिए मनका पिर ।
२.
हिउँको तन्ना फिँजाएर
उत्तरमा हिमाल हाँस्यो
बोलाउँछ पर्यटक रिझाएर ।
३.
सुगन्धित पाए फूल
स्याहारेर जीवनमा तिमीलाई
प्रगतिको फुट्यो मूल ।
४.
नहुँदा आत्मिक चिनाजानी
हेर्दा रहेनछन् कसैले
भयो दुःखद कहानी ।
५.
कसले खोज्छ गुन
जता जाउँ उतै
चल्ने गर्छ भनसुन ।
६.
जसले पनि आफ्नैलाई
प्रचारको खेल खेल्छ
प्यारो आफ्नै भाइ ।
७.
आधारसाधार केही चाहिँदैन
आफ्नो भन्ने नहुँदा
कहिल्यै मेवा पाइँदैन ।
८.
भित्रिए भारतीय कुर्ता
विदेशका नक्कलले खायो
गुन्युचोलीको छैन सुर्ता ।
९.
पहिचान राखौँ हाम्रो
दौरासुरुवाल र टोपी
लगाउँदा नेपाली राम्रो ।
१०.
प्यारो आफ्नै संस्कृति
बढ्दै जाओस् मेलमिलाप
नभित्रिउन् कुनै बेथिति ।
वि.सं.२०८२ साउन ३ शनिवार ०९:१४ मा प्रकाशित
