कृष्ण कोपिला
सुन्दर अनुहार लागेको थ्यो दागै दाग पो देखिंदो रहेछ
जसलाई राम्रो सोचेको थ्यो ऊ त हेर्नै नहुने भएछ
मान्छेको भित्री मन नचिनिने प्राकृतिक नियम नै हो
पिंध नभाको लोटा भन्थ्यो उसैसँग पो सती गएछ ।
जसको केही ढङ्गै छैन उसैले पार्ने रे धुलोपिठो
जसको केही सीपै छैन उसैको अरुसँग छोइछिटो
जो खाली दिमागको पछि लाग्छ आफैँ केही गर्नै सक्तैन
अरुलाई रिस गर्दै, उसैलाई चाहियो छ पद चाहिँ ठूलो मीठो ।
अरुले ‘तपाई’ भनोस् नभनोस् उसलाई ‘मपाई’ बन्नुपर्छ
अरुलाई सधैँ ‘सानो’ देख्छ आफैं ‘ठूलो’ भन्नुपर्छ
‘चेतनाशून्य’ भएर पनि सधैँ अगाडि बस्न रुचाउने
यतिले मात्र के पुग्थ्यो उसलाई, आफ्नाकै खेदो खन्नुपर्छ ।
आफ्नै बुद्धि बिग्रेकाले हिंड्नु पर्ने भागी भागी
लाजै नमानी चाकडी गर्दै षडयन्त्रको पछि लागी
इज्जत नै नभएपछि बेइज्जत होला भन्ने के पीर भो र ?
डर लाग्यो ? छेकिएर बस, बनौला इमान्दारको रीसको भागी ।
वि.सं.२०८२ साउन २० मंगलवार १७:२१ मा प्रकाशित
