Sansar News
काठमाडौं । साताको अन्तिम दिन बिहीवार सेयर बजार परिसूचक नेप्सेमा सामान्य सुधार देखिएको छ । बिहिबार परिसूचक २.६२ अंकले बढेर २७.३६ बिन्दुमा पुगेको हो ।
नेप्से बढेसँगै कारोबार रकममा पनि केहि सुधार देखिएको छ । बिहीवार बजार बन्द हुँदा कूल सूचिकृत कम्पनीमध्ये २४९ कम्पनीको ७ अर्ब ४६ करोड रुपैयाँ बराबरको एक करोड ९३ लाख कित्ता सेयर किनबेच भएको नेप्सेले जनाएको छ । अघिल्ला दुई दिन नेप्से घटेसँगै कारोबार रकम पनि घटेको थियो ।
आजको बजारमा नेपाल रिपब्लिक मिडियाका लागनीकर्ताहरु सर्बाधिक ९.९ प्रतिशतले कमउनेमा परेका छन् । त्यस्तै एनआइसि एसिया फ्लेक्सि क्याप फण्डका लगानीकर्ताहरु सबैभन्दा धेरै ८.३१ प्रतिशतले गुमाउनेमा परेका छन् ।
नेपाल पूनर्बीमा कम्पनीले सबैभन्दाबढी ४७ करोड रुपैंयाँ बराबरको करोबार गर्दा बलेफी हाइड्रो पावर कम्पनीले सबैभन्दा बढी १८ लाख ५४ हजार कित्ता सेयर किनबेच भएको नेप्सेले जनाएको छ ।
चालु आर्थिक वर्षको् सुरुवातमा बजार बन्द हुँदा तीन हजारको बिन्दु पार गरेको परिसूचक एक महिना नपुग्दै २८ सयबाट पनि ओरालो लागेको छ । यसले महंगो मूल्यमा सेयर खरिद गरेका लगानीकर्ताहरुलाई निरास बनाएको कतिपय विश्लेषकहरुको भनाइ छ ।
वि.सं.२०८२ साउन २९ बिहीवार १६:०६ मा प्रकाशित
