Sansar News
डा. घनश्याम परिश्रमी, बर्दघाट, बसुप
पढ्दै छु जे अखबारका कुरा हुन्
खै, के भनूँ, सरकारका कुरा हुन्
तिम्रा सबै व्यापारका कुरा हुन्
मेरा भने उपचारका कुरा हुन्
लोभ्याउने हरदम मलाई प्यारी,
तिम्रै मधुर शृङ्गारका कुरा हुन्
भौतिक कुरा नै लोकले हो चिन्ने
जे छन् सबै संसारका कुरा हुन्
बोलीवचन होस् भावनासहितको
मन जित्ने चिज व्यवहारका कुरा हुन्
बहर– सरीअ मुसद्दस मक्सूफ
अर्कान– मुस्तफ्इलुन्, मुस्तफ्इलुन् फऊलुन्
वजन– २२१२ – २२१२ – १२२
काफिया – आर
तहलिली रदिफ– का
रदिफ – कुरा हुन्
डा. परिश्रमी बर्दघाट प्रज्ञाप्रतिष्ठानका कुलपति हुनुहुन्छ ।
वि.सं.२०८२ साउन ३१ शनिवार ०९:३९ मा प्रकाशित
