Sansar News
श्याम माकजु, भक्तपुर
घरमा समय बिताऊँ जीवन त्यसै सकिन्छ
मुग्लान जाऊँ आमा–बाको खुशी छिनिन्छ
कर्तुत सुनेर उसको विश्वास धर्मरायो
उसको लहैलहैमा लागे सधैँ ठगिन्छ
मेरो हिया निकाली उसले खुशी मनाअोस्
पीडा सहेर आफू आनन्दले सुतिन्छ
बिर्सेर कर्म मेरो,उसको समीप बस्दा
मनभित्र क्रान्तिकारी दुर्भावना चुलिन्छ
मेरो शरीरमाथि ताण्डव ऊ गर्छु भन्थ्यो
उसकै शरीर चाँडो ढल्ला कि,मन चिसिन्छ
बहर : मुजारे मुसम्मन अखरब महजूफ
अर्कान : मफ्ऊलु , फाइलातुन् , मफ्ऊलु , फाइलातुन्
वजन : २२१–२१२२÷२२१–२१२२
काफिया : इन्छ
रदिफ :०
अभ्यास : उज्यालो पाठशाला
वि.सं.२०८२ साउन ३१ शनिवार ०९:४२ मा प्रकाशित
