Sansar News
चन्द्रा न्यौपाने,टोखा, काठमाडौं।
हाँस्य दन्तमा
भुँमरीको जीवन
सर्पदंशमा ।१।
खोल कञ्चन
भित्र घडा विषको
नाट्य मञ्चन ।२।
मिठो बोलेर
खान कति सकेको ?
आमा पोलेर ।३।
कति चाखै हो ?
हिजो घाँटी रेट्ने नै
आज साख्खै भो ।४।
बोक्रा नेपाली
गुदी सबै विदेशी
देशै पखाली।५।
साह्रै चेपाहा
रसिला छन् कुरा त
काम हेपाहा ।६।
च्यूरी बोटमा
रजाइँ छ बाघको
गौको गोठमा ।७।
मृदु वाणीले
मन्दिर भो मसान
कंशे बानीले।८।
हुन्न कुदेर
बाको घुँडा चुसेर
आमा लुछेर ।९।
छैन इमान
बेइमानी सर्वत्र
मान्नु के शान ?१०।
वि.सं.२०८२ भदौ १४ शनिवार ०८:०८ मा प्रकाशित
