Sansar News
अनुराग अरुण, ललितपुर
सिसा जस्तो टुक्रा बनाएर फेरि
कहाँ जुट्छ दिल गम लगाएर फेरि
झुटो बात गर्दै म दिन्छु नभन्नू
कसैलाई आशा दिलाएर फेरि
तिमी सास मेरो तिमी जिन्दगी हौ
नजानू प्रिया मन दुखाएर फेरि
रहुन्जेल जीवन खुसीले रमाऔँ
कहाँ उठ्छ मुर्दा जगाएर फेरि
तिमीले भुलेछौ भनी खुब रिसाइन्
प्रिया हाँस्न थाल्छिन् फकाएर फेरि
बहर : मुतकारिब मुसम्मन सालिम
अर्कान : फऊलुन, फऊलुन, फऊलुन, फऊलुन
वजन : १२२ – १२२ – १२२ – १२२
काफिया : आएर
रदिफ : फेरि
अभ्यास : उज्यालो पाठशाला
वि.सं.२०८२ भदौ १४ शनिवार ०८:११ मा प्रकाशित
