हामी सबैकाे संसारन्यूज

जापानमा रहेका पाल्पालीहरुको साझा सस्था पाल्पा समाज जापानको चौथो अधिवेशनले वविन राना(ललित)को अध्यक्षतामा नयाँ कार्यसमिति चयन गरी सम्पन्न भएको छ ।

अगस्ट २४ तारिख आइतबार टोकियोको शिनओकुबोस्थित बारकाडे गुड टाइम्समा सम्पन्न समाजको अधिवेशनले सम्पूर्ण पदाधिकारी तथा सदस्यहरू सर्वसम्मतिबाट चयन गरेको हो ।

निरञ्जन गैरेको सभापतित्व र समाजका सल्लाहकार तोयानाथ पोखरेलको प्रमुख आतिथ्यमा सम्पन्न अधिवेशनले वरिष्ठ उपाध्यक्षमा सुवास बस्याल र उपाध्यक्षहरूमा सुमन न्यौपाने र ज्ञानजंग रायमाझीलाई चयन गरेको छ ।

निर्वाचन समितिका संयोजक भरत ज्ञवालीका अनुसार महासचिवमा गंगालाल जिआर, सचिवमा विश्व अर्याल, कोषाध्यक्षमा आकाश अर्याल र सह–कोषाध्यक्षमा सागर पोखरेल निर्विरोध चयन भएका छन् ।

त्यसै गरी सदस्यहरुमा विश्वबन्धु भण्डारी, युवराज अर्याल, विवेक न्यौपाने, हिमाल अर्याल, नारायण भट्टराई, सागर अर्याल, मधुसुदन अर्याल र अस्मिता न्यौपाने चयन भएका छन् ।