Sansar News
मोरङ । मोरङको कटहरी गाउँपालिका–२ मा एक महिलाले आफ्नै श्रीमानको गोप्य अंग काटिदिएकी छन्।
आपसी विवादका क्रममा जहदा गाउँपालिका–३ की ३० वर्षीया महिलाले ३२ वर्षीय श्रीमानमाथि धारिलो हतियार प्रहार गरेर लिंग काटिदिएको प्रहरीले जनाएको छ।
मोरङ प्रहरीका डीएसपी कोपिला चुँडालका अनुसार सोमबार राति विवाद चर्किएपछि महिलाले धारिलो हतियार प्रयोग गरेकी थिइन्। सो क्रममा पुरुषको गोप्य अंग आधा छिनेको बताइएको छ।
घाइते पुरुषको हाल कोशी अस्पतालमा उपचार भइरहेको छ भने महिलालाई नियन्त्रणमा लिएर थप अनुसन्धान अघि बढाइएको प्रहरीले जानकारी दिएको छ।
वि.सं.२०८२ असोज २८ मंगलवार १३:१३ मा प्रकाशित
