हामी सबैकाे संसारन्यूज

रामशरण न्यौपाने, भक्तपुर

मन रसिक गर न क्रोध निखारी
कलुषितपन पुछ सुन्दर पारी
बस निशिदिन बरु देश सिँगारी
बन सब जन अब प्रेम–पुजारी ।।१

नबन न भरसक है अभिमानी
गर इलम असल दर्द नमानी
गुरु जनकन पुज ईश्वर जानी
बन भरसक नर उत्तम ज्ञानी ।।२

क्षणिक छ पलभर जान्छ जवानी
कति भर छ र तन हुन्छ खरानी
नबन नि अधम त कर्म नधानी
नगर न क्षय अब वीर निसानी ।।३

युवक नि सब भुल जान विदेश
पल पल अधिक छ दोहन देश
शठ जनसित छ नि धूर्त प्रभाव
सब जन चुप हुनु हुन्छ खराब ।।४

अघिबढ अघि बढ हार नखाई
बस भरसक अब राष्ट्र बनाई
गर सब जनकन स्नेह रिझाई
अजर अमर बन कीर्ति फिँजाई ।।५

छन्द : चण्डी
गण : न न स स गु
गण सङ्केत : III – III – IIS – IIS – S