हामी सबैकाे संसारन्यूज

अरुण खड्का, कीर्तिपुर , काठमाडौँ

नगर्ने कामकै चर्चा खुबै चल्ने जमाना छ
लुटी खाने लुटेराकै यहाँ दमदार नखरा छ

सधैँ हालीमुहाली हुन्छ नेताका भरौटेका
सदनमा रातदिन उनकै मनोमानी तमासा छ

सियो चोर्नेहरूलाई उभ्याए कठघरामाथि
मुलुक लुट्नेहरूलाई हमेसा मस्त मज्जा छ

झुके सारा यहाँका राजनेता पाउमा उसको
रियासत हाँक्छु भन्ने घरमुली तस्करको वशमा छ

युवा सारा हिँडे परदेश छैनन् गाउँमा कोही
पलायनवादले घर बृद्धले भरिने अवस्था छ

बहर : हजज मुसम्मन सालिम
अर्कान :मुफाईलुन् , मुफाईलुन् , मुफाईलुन् , मुफाईलुन्
वजन : १२२२ – १२२२ – १२२२ – १२२२
काफिया : आ ( एकाक्षरी )
रदीफ : छ
अभ्यास : परिश्रमी पाठशाला