Sansar News
कुमार थापा उमेश गौरी गाउँले
निजगढ – ९, बारा
हालः झारखण्ड भारत
यो जिन्दगी त साँच्चै एक्लो सफर रहेछ
यात्रा फरक फरक छन् हेर्ने नजर रहेछ
लाचार देख्छ नजरले रोगी भएर बस्दा
लाचार पन भनेको नैतिक असर रहेछ
सुन्दर भविष्य खोज्दै सम्पति खटेर जोड्छौ
जाँदैन साथ केही व्यर्थै फिकर रहेछ
जानै छ एक दिन यो धर्ती बिदा भएरै
सोच्दैन मृत्यु बारे कस्तो कहर रहेछ
जीवन गुमेर जाँदा परलोक भन्छ मान्छे
संसार एक पलको बेकार घर रहेछ।
बहर : मुजारे मुसम्मन अखरब
अर्कान : मफऊल फाइलातुन् मफऊल फाइलातुन्
वजन : २२१, २१२२ / २२१ – २१२२
कफिया : अर
रदिफ : रहेछ
वि.सं.२०८२ कात्तिक १५ शनिवार ०५:४१ मा प्रकाशित
