Sansar News
वसन्त अनुभव
वसन्तविहार, घोराही, दाङ
१.
समृद्धि ल्याउँछु भनी
गफैमा दिन बित्यो
बिताउँछु अझै पनि ।
२.
मौका पर्खेर हान्ने
बुद्धिमान म जस्तो
छैनन् कोही जान्ने ।
३.
लुटेरै आएँ आजसम्म
देशको सारा ढुकुटी
अघाएन उदर टम्म ।
४.
कायर भई झुक्नेहरू
रोकिन्न कदम हात्तीको
भुकुन् जति भुक्नेहरू ।
५.
नसोच्नू छ बाहिर
नचाउँछु सत्ता औँलामा
खेलाडी म माहिर ।
६.
ग¥यो जिन्दगीले झेल
जीवन भयो मरुभूमि
आँखामा आँसुको भेल ।
७.
सकिनँ खुसी किन्न
दुःखकष्टमा छ जिन्दगी
मन हुन्छ खिन्न ।
८.
धोकेबाजको यो सहर
दिदैनन् धोकाबाहेक केही
मनमुटुमा छ जहर ।
९.
चलाई वचनको कटारी
खाइसकी मेरो मासु
अझै भन्छे शाकाहारी ।
१०.
पार्दछे मोरी एकैगाँस
भन्दै ढाक्रे मलाई
गर्दछे सधैँ उपहास ।
वि.सं.२०८२ कात्तिक २२ शनिवार ११:१६ मा प्रकाशित
