हामी सबैकाे संसारन्यूज

नवराज न्यौपाने ’मौन’
मातातिर्थ, काठमाडौँ

परेलीमा झनै धेरै कथा बक्ने निराशा छ
तरेली गाउँबस्तीमा व्यथा भुल्ने सहारा छ

बिरानीमा हराएझैं तिमी टाढा भयौ साथी
हिया दुख्दा मनै फाट्दा तिमी भन्छौ नि आहा छ

सबै आफ्ना हुदै हुन्नन् बिदा हुन्छन् कुनै बेला
सहेको चोट आफ्नै हो र भोग्ने दुःख ज्यादा छ

धरामा मिल्छ खोजेको नबोली काम गर्दामा
बिलाई देह जाने हो र काया आज कच्चा छ

बसाले हुन्छ आँखामा हटाए हुन्छ कुण्ठा नै
भरोसा टुट्न जाँदामा कठै बाँकी त चिन्ता छ

बहर : हजज मुसम्मन सालिम
अर्कान : मुफाईलुन् , मुफाईलुन् , मुफाईलुन् , मुफाईलुन् ,
वजन :१२२२ – १२२२ – १२२२ – १२२२
काफिया : आ (एकाक्षरी)
रदिफ : छ
अभ्यास : परिश्रमी पाठशाला